اللِّي رضَى’ بالذلّ خلّه لعلّه

السلام عليكم


مهما يجي من قسوة الدهر لآبـاس
.قلبـي تعـوُّد.. للقشـر مايمـلـه

خذْ راحتك ياوقت لوقلبي حسـاس
.بصبرعلى مرّك ولاآ قْبـل مذلـه

ارقى’ علوُّ المجد والعـزِّ نومـاس
.واللي رضِى’,, للذلِّ خلّه.. لعلّـه

احفظ لسانـي لا’ يقولـون بسـاس
.والسرِّ يبقى’ فـالحشى’ في محله

أضحك وسولف كل ماجيت مجلاس
.والفكرتآيـه مالقـى مـن يـدلـه

العين جِزْوِى’تسري مع كل هوجاس
.والقلب هايم في دجى الليـل ظلـه

والصبح اناجي خالق الكون والناس
.واقرآالمثاني عن جنـوح المزلـه

والله’ كريـمٍ ينشرالـرِّزق بقيـاس
.سبحان ربّ ..محصي الكون كلّـه

والحاسدمات بحسرة القهرواليـاس
.يقضي عليه الهمّ ماحـد.ن فطلّـه

لابد من يسرٍيجي بريـح نسنـاس
.فيه الدوى’ عن كـل هـمٍّ وعلّـه


(وسلامتكم)

تسلمين ع هذا الشعر

ننتظر جديدج

سيووو